Plantun de Prouvènço

Pèr coumpara dos planto d'encò nostre

Radiola linoides & Hedysarum brigantiacum

Radiola linoides

Linaceae

Noms en français : Radiole faux lin, Faux Lin.

Descripcioun :
Lou faus-lin es uno pichoto planto pas bèn grando que se vèi pas gaire. Trachis dins li relarg umide, proche d'aigo, sus sòu séusous. Se recounèis à si fueio óupousado quàsi óuvalo de mens de 4 mm de long e à si cambo roujo. Li flour soun pourtado pèr de long pecou emé de petalo blanco dificile de vèire.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 12 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Radiola
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : 1,3 à 3 mm
Flourido : Printèms

Sòu : Si
Autour basso e auto : 0 à 1600 m
Aparado : Noun
Mars à jun

Liò : Sablo umido - Pelouso roucaiouso bagnado - Riéusset
Estànci : Mesoumediterran à Mountagnard
Couroulougi : Paleoutemperado
Ref. sc. : Radiola linoides Roth, 1788

Esparset(-de-Briançoun)

Hedysarum brigantiacum

Fabaceae Leguminosae

Noms en français : Sainfoin de Briançon, Hédysarum de Briançon.

Descripcioun :
L'esparset-de-Briançoun trachis dins li pelouso de mountagno mejano sus cauquié. Li flour soun pus o mens pourpro à blanc de la dins la populacioun. Aquesto planto sarié uno bastardo entre H. hedysaroides e H. boutignyanum. S'atrovo d'aiours i raro qu'aquésti dos espèçi (la premiero dins lis Aup de l'uba e la segoundo dins lis Aup dóu miejour). Aquesto planto èi quàsi amenaçado, categourìo NT sus listo roujo.

Usanço :
Ramentan qu'èi pas counseia de manja li grano, que soun empouisounanto e dounon uno malautié néuroulougico, lou latirisme (presènci d'ODAP). Semblo qu'es acò qu'aurié tua Christopher McCandless, d'ounte es esta fa un film couneigu, "Into the Wild". Aurié manja de grano de Hedysarum alpinum, pamens counsidera coume manjadis.

Port : Erbo
Taio : 20 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Hedysarum
Famiho : Fabaceae
Famiho classico : Leguminosae

Ordre : Fabales

Coulour de la flour : Roujo
Petalo : irreguliero
Ø (o loungour) enflourejado : 5 à 15 cm
Flourido : Printèms - Estiéu

Sòu : Ca
Autour basso e auto : 1600 à 2700 m
Aparado : Noun
Remarco : H. hedysaroides x H. boutignanum
Jun à avoust

Liò : Pelouso
Estànci : Subaupen à Aupen
Couroulougi : Ouroufito-Ouèst-Aupenco
Ref. sc. : Hedysarum brigantiacum Bourn., Chas & Kerguélen, 1992

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Radiola linoides & Hedysarum brigantiacum

ges

Coumpara Faus-lin emé uno autro planto

Coumpara Esparset(-de-Briançoun) emé uno autro planto